麗英唱失戀歌 展現搞笑以外一面 多謝媽媽幫手斷捨離

「小薯茄」麗英推出新歌並接受HOY TV主播俞詠文（Angela）訪問，分享感情經歷。麗英表示新歌《解咒說明書》是講述自己失戀傷心事：「曾經喺一段感情關係上，被另一半嫌棄，佢同我分手嘅理由，係因為我成日著T恤牛仔褲，原來對方唔再愛自己時，乜嘢都係理由! 」她亦感謝粉絲們期待她的失戀歌，可以表現她搞笑以外的另一面。

談到很多人分手後，會保留對方物件，麗英說要多謝媽咪幫助：「我都會keep一排嘅，但係因為我無論拍拖同失戀，我會同媽咪分享，當我分手時，我阿媽過一陣會無端端入嚟我房，攞咗一袋有舊愛物品嘅嘢，問我係咪唔要㗎喇，咁我就會決心抌咗佢，好多謝媽咪幫我斷捨離! 」

今次麗英的「愛情三部曲」講述自身愛情的3個階段，對愛情嘅憧憬，之後情傷，最後一首她要賣關子：「內容唔可以講住，但係係一種全新嘅曲風，而幕後班底都係好驚喜，希望大家繼續關注。」

（即時娛樂）