黃正宜《正 DIVA》3場門票售罄 預告跳爆全場答謝粉絲

商台DJ黃正宜（阿正）的《正 DIVA》，將於11月在麥花臣場館舉行。2場演出門票昨日（21日）公開發售即秒殺，同日加開11月3日終極一場，今天（22日）阿正再度收到喜訊，下午3時公開發售尾場門票同樣被秒殺，處女騷合共3場演出悉數爆滿。

對於3場門票極速售罄，阿正表示意想不到並興奮指：「我首先要再次﹑係再次多謝『痴飯』（阿正粉絲䁥稱）對我嘅支持，之前真係唔知會有咁多人想睇我嘅騷，希望做好呢個騷，送一個好玩嘅夜晚畀大家。」

一班跟隨阿正多年的忠實「痴飯」，帶備阿正早前登上封面的雜誌，親臨商台為偶像打氣，更為已達「Diva級」的阿正贈上她為人氣動畫配音的卡通公仔，預祝她首個個人騷演出成功。為答謝「痴飯」支持，阿正再公開全新一輯宣傳照，身穿白色西裝打上黑色領呔，型格打扮讓人眼前一亮。

為了在一連3晚《正 DIVA》表現出最佳狀態，阿正努力訓練體能，希望屆時能盡情跳舞燃點全場氣氛。阿正說：「希望跳唱方面展示到我嘅另一面畀大家睇，因為平時好少跳唱，今次好認真為《正 DIVA》排舞。嚟緊會練好啲體能，到時就可以跳得High啲，都希望『痴飯』到時睇得好High。」

（即時娛樂）