903 AllStar首場熱身羽毛球大戰　九零三人先大勝歌星勇士隊

叱咤903主辦、麥當勞協辦的《903 AllStar 籃球賽》將會於11月23日(星期六)在亞洲國際博覽館舉行，不過在今個月就率先會舉行一連四場《903 AllStar 熱身賽》，包括羽毛球賽、乒乓球賽、排球賽及足球賽。首場羽毛球賽已經在昨日10月4日舉行，DJ隊先大勝歌星隊。

「歌星勇士隊」派出梁釗峰、陳柏宇、黃妍及雲浩影，而「九零三人隊」就有Elsie、小儀、急急子、歪歪聯及兩位中學校隊成員出戰。經過三回合雙打激戰，「九零三人隊」以三比零大勝「歌星勇士隊」。而羽毛球港隊代表李卓耀更壓軸登場，以特別嘉賓身份出戰表演賽，和歌手及903 DJ聯隊對戰，最後李卓耀以28比19獲勝。
至於「歌星勇士隊」得分最多的陳柏宇，原來7歲已開始打羽毛球，在表演賽更和李卓耀同場比賽：「我其實不滿自己嘅表現，不過好開心可以同羽毛球一哥李卓耀一齊打波，好滿足，但係唔夠喉。」至於黃妍則為了今次熱身賽在一個星期前學打羽毛球，更在李卓耀身上偷師：「阿耀嘅求生意識勁強，我學識見到波就要接，Out咗嘅波都要接。」同樣是羽毛球新手的雲浩影賽後則說：「我好擔心自己阻到阿耀打波，原來佢好friendly，仲要係鼓勵型，畀機會我打幾球，佢真係好勁。」已開始為11月舉行的《903 AllStar 籃球賽》加操的釗峰笑言「歌星勇士隊」人才濟濟，勝算十足：「歌星隊有50幾人，又有好打得嘅Jay Fung(馮允謙)同埋Ian(陳卓賢)，今年一定再贏DJ隊。」