鄧麗欣任一日店長助願望童　與男友共度佳節

歌手鄧麗欣（Stephy）日前為慈善義賣活動擔任一日店長，身體力行籌款幫助重病兒童（願望童）實現願望。義賣當日，身患罕見淋巴疾病的一朗也跟Stephy攜手為慈善義賣出力，現場吸引不少市民跟粉絲到攤位支持，他們踴躍購買義賣商品，Stephy更跟他們逐一拍照簽名，度過了充滿愛的一天，別具意義。

一朗身患罕見淋巴疾病，Stephy跟他見面後，得知對方熱愛繪畫，並一直希望舉辦個人畫展，Stephy便鼓勵他，並邀請一朗欣賞自己的畫展，Stephy說：「知道一朗嘅願望係開個人畫展，我都有叫佢加油！希望我到時都可以去佢畫展參觀。每個人都有願望，願望成真基金可以幫助病童圓夢，好有意義！其實每一次出席義賣活動，可以同粉絲見面，又可以一齊做慈善，都好開心，今次仲同埋一朗一齊做慈善義賣，佢好可愛、好勤力呀，佢一嚟到就問有咩可以幫到手，我哋都好有默契架，一嚟到就好合拍同順暢，我負責招呼客人、影相、簽名，一朗就負責幫手攞貨品，係一次幾好玩、幾好嘅經歷。」今天聖誕節，Stephy透露跟往年一樣，會在家中跟家人朋友簡單度過，也會趁假日跟男友慶祝，舒舒服服、溫馨度過。

東網網站 : https://on.cc/東網Facebook專頁 : https://www.facebook.com/onccnews/