香港自閉智障青年參與16日「盲人環台跑」| 與關家良一起奔走700公里

山寺藏王超馬 100K

路跑，係香港最普及、最 Accessible 嘅運動，常見距離由5公里 到 全馬拉松42公里都有，你願意跑幾遠呢？ 對於本會的會友 港媽 Alice 與 兒子善仔 Celvin 來說，答案是七百公里。今個月尾，他們將以首兩位香港跑者嘅身份，參加「盲人環台為公益而跑」

善仔是自閉症及智障人士，喜歡長跑、越野跑、健身。 單單今年，就完成了路跑32場全馬、4場超級馬拉松（其中兩場係 100K 超馬［沖繩100K、山寺藏王100K］），在宜蘭冬山河 50K 超馬更加奪得組別冠軍。

關山九連馬

說到環台的契機，是今年8月關山九連馬（即連續九日，每日一場馬拉松），認識了環台的朋友。 他們知道二人在高溫下很耐跑，所以就邀請了這兩母子參賽

善仔是一個善良的人。 於尼泊爾 Everest Marathon、馬來西亞 Borneo Marathon 旅跑期間，Alice 在市集買了麵包，但往往帶不到回酒店，原因就係善仔派晒俾歸來時見到嘅露宿者。 「盲人環台」大會的主張係「以弱勢助弱勢」，Alice 同 善仔 遂接受邀請，參與這場有意義嘅挑戰

沖繩超馬 100K

第九屆「盲人環台為公益而跑」，全長近700公里，為時16日，等效每日一隻全馬，亦係全台為時最久、距離最長的公益跑

「盲人環台」規模很大，有辣有唔辣： 共有數千跑者、視障陪跑員、視障跑者分段參與，但只會有約 50人完走全程，善仔與 Alice 將會係其中兩位。

宜蘭冬山河 50K 組別冠軍

活動很有國際色彩，日本超馬選手關家良一 （亞洲24小時超馬紀錄保持者） 更加特地來支持，陪同 78 歲日本視障跑者、兩屆殘奧馬拉松代表 保科清，台、港、日三地同心，完成環台壯舉。

跑，但不止於跑。去到每日馬拉松嘅終點，大家仲會探訪埋受助嘅社福機構。

出力又出錢，在籌款以外，Alice 仲會額外自掏腰包，捐款支持宜蘭自閉症協會、高雄匠愛家園、牧心智能發展中心

用雙腳跑步環島台灣，不單是體能的挑戰，感受非比尋常的當下，他們認為是一件非常幸福的事。作為傷健人士，善仔能用身體的力量傳遞愛與堅持，與其他義工和視障人士，為其他有需要的弱勢走出來，更覺無比感恩。一眾環台跑者，將為超過20家慈善機構募集逾兩萬份愛心年菜。這場跑步挑戰，更像是一場關於陪伴、共融和愛的傳遞

山寺藏王超馬100K 雪山段

山寺藏王超馬100K 終點

撰文: Mark Sir，西柚跑步會創辦人，熱愛跑步、街健、健力，每周帶領街坊健體、街跑

The post 香港自閉智障青年參與16日「盲人環台跑」| 與關家良一起奔走700公里 appeared first on Fitz 運動平台.