當年婚訊現嚴重脫粉潮　孫慧雪曾遭狂迷跟蹤

藝人孫慧雪近日接受譚玉瑛主持的電台節目《QK玉瑛室》訪問，暢談婚前婚後的生活變化。當憶述2016年宣布結婚後，阿雪不諱言﹕「婚前我啲粉絲99%係男仔，一宣布結婚就好多人走咗，最深刻係有位粉絲話好嬲我，佢話好傷心，喊咗成晚﹗」

曾是不少人心目中的女神，阿雪坦言曾經試過步行返家時，發現被一名男子跟蹤：「我企喺度望住佢，佢匿喺條柱後面，我就急步走，好彩都撇甩到佢。」這次雖然被嚇破膽，但她依然盛讚大多數粉絲都窩心及真心支持自己。」

至於婚後她與丈夫育有兩名囝囝Riley及Rian，一家四口幸福滿滿，不時舉家旅行增添溫暖回憶，「犧牲事業」亦物有所值，但原來阿雪的原生家庭卻不美滿，且透露父母在自己很小的時候就已經分開，幸而其性格比較豁達﹕「我同嫲嫲嘅感情比較好，佢99歲嘞。媽咪喺我好細個時就離世，由細到大同佢都冇乜相處，有人會用可憐眼光睇我，但我真係冇嘢，因為嫲嫲畀咗好足夠嘅愛我。」

東網網站 : https://on.cc/東網Facebook專頁 : https://www.facebook.com/onccnews/