朱茵帶女撐黃貫中開畫展　11歲黃鶯同邊個最似樣？

歌手黃貫中（Paul）上月首次在港舉辦個人展覽，約展出20多幅作品，咁大件事，梗係要全家出動啦！開幕禮上，老婆朱茵就帶埋愛女黃鶯一齊出席支持爸爸，難得同框合照，有在場嘅網民就上載三人合照，令11歲黃鶯嘅容貌曝光。

相中見黃鶯差唔多追及媽咪朱茵身高，估計約有1米5左右，而佢細細個時同Daddy餅印一樣嘅佢，依家愈大愈似媽咪，少女味漸濃，令唔少網民都驚嘆黃鶯真係大個女，同細個睇綜藝入面個樣都唔同晒。

東網網站 : https://on.cc/東網Facebook專頁 : https://www.facebook.com/onccnews/