吳亦凡被捕後繼續累人　逾2,600人被逼「改名」

內地藝人吳亦凡今年8月因涉嫌強姦罪正式被捕，一直未有見人嘅佢全無音信，點估到佢消失幕前2個月都依然「累」到人。近日就有一位原名叫「吳一凡」嘅男子，因為個名同「吳亦凡」讀音相同，令到佢喺生活上多次同吳亦凡被扯上關係，加上吳亦凡形象全毀，成劣迹藝人人辨，搞到佢急急辦手續改名，依家終於都可以拎住新嘅身份證見人。

唔只係咁，本身吳亦凡名氣大，有大批網友都曾以佢個名嚟做線上遊戲網名，點知就遭到其他網友「惡意欺凌」、遭到路人「追殺」及惡意訊息攻擊，搞到多達2,613位「吳亦凡」要改名。

東網網站 : https://on.cc/東網Facebook專頁 : https://www.facebook.com/onccnews/