林盛斌娛樂公司成立9周年 舉行巡迴Talk騷 成立主持團隊

林盛斌（Bob）創立的娛樂製作公司，今天（19日）舉行9周年慶典，除了透露將在內地、馬來西亞、英國及荷蘭舉行巡迴Talk騷外，更宣布會成立主持團隊，與葉文輝（啤梨）、鄧洢玲、余迪偉、黃天頤及容羨媛合作，Bob強調並非挖角，亦不敢挖角，合作藝人均是自由身，公司角色只是助手及保姆。問是否想做「主持界教父」？他即否認：「咁大頂帽？我冇咁大個頭，未有資格，希望將來可以。」

啤梨表示雖多年前與Bob於電台共事，但很少合作，有日Bob突然相約吃車仔麵，原來是傾合作，他說：「覺得呢個機會對我嚟講幾好，希望接多啲主持工作，亦從來都冇唔鍾意唱歌，始終自己一個去得唔遠，呢間公司可以去到澳門、馬來西亞及內地，發展幾全面。」問可擔心周圍飛陪不到老婆？他笑道：「呢幾年陪得太多，希望可以向外衝下。」

鄧洢玲表示希望主力在主持方面發展，問到是否「封印泳裝」？她說：「着唔着都得，最緊要靚、專業和客戶需要。」

（即時娛樂）