台慶頒獎禮︱演活小角色！林子善奪最佳男配角一度跪地

台慶頒獎禮最佳男配角揭盅，向來演活小角色的林子善憑《隱形戰隊》，爆冷奪獎，他在台上更一度跪地，他說：「呢個獎，一世人攞一次！」他更在台上多謝周星馳，又大賣口乖擦TVB鞋，非常識做！

已變「喊包」的他突然在台上下跪，他喊住表示：「好多網民唔鍾意我喊，其實我真係唔鍾意喊，頭先嗰一跪係跪我父母嘅，因為冇我父母，呢個世界就唔會有林子善。」期間有工作人員催他長話短說，他搞笑謂：「唔好撩我，一生人得一次，其實我想攞《飛躍》，因為仲可以攞多次男配角。我唔係TVB親生仔，但我當TVB係屋企，流住TVB嘅血，多謝帶我入行嘅周星馳，當時我最冇嘢做，係曾志偉帶番我入電影圈。」

東網網站 : https://on.cc/東網Facebook專頁 : https://www.facebook.com/onccnews/