Kelly Online:馮檢基拍片 自稱似送禮勤

歌手李克勤最近橫掃各大頒獎禮，結果被網民冠名為「樂壇馮檢基」，暗諷他入行30多年，要同一班後輩爭獎。對於俾人「同後輩爭」呢個形象，民協馮檢基似乎唔多介意，仲喺在個人facebook專頁上載影片，話自己真心覺得同李克勤有共通點，「他熱愛唱歌，鍾意送禮俾曼聯；我熱愛香港，在政壇打拼，係一模一樣！」

他又用踢波比喻政壇，如果11個人都是前鋒，好易被乘虛而入，而他就是能攻能守的中場，「民協未必衝鋒陷陣，但一直植根社區，建立民主基礎」，更認為中場才是贏波關鍵，希望大家支持他出選九龍西立法會補選。不過，片段截至晚上，仍然是「嬲嬲」多過「讚好」，更有網民留言跟基哥以波論波，「我未見過一個長期無表現，唔交波又唔入波，仲唔肯被換出場嘅中場囉！」