歐洲風情來襲～藝術壁畫街！彩虹樓梯～荷李活主題～香港都可以好繽紛！
鍾意去旅行嘅大家，都會一訪韓國嘅壁畫村，或者彩虹小鎮去打下卡！宜家想去壁畫村，唔一定要出國喇，喺香港都可以！
港島西區係一個融會左中西文化嘅生活社區，有好多獨特嘅建築！
為左將呢度打造成藝術文化社區，9位本地同國際嘅知名藝術家，喺度透過壁畫藝術翻新區內多幢大廈嘅外牆，成為新嘅「藝里坊 ARTLANE」！
第一階段已經完成左 13幅壁畫，橫跨兩條大街，無論牆、地下定樓梯都換左新裝。
嚟打卡都好方便，只要搭地鐵，喺西營盤站B3出口，一出轉左就見到一條變左身嘅「奇靈里」！
《都市森林》
行前啲會見到其他嘅壁畫，全部都好色彩繽紛，令小區增添左活潑嘅氛圍！
《Transformation》
《壁畫隧道》
《澆花中的小女孩》
《彩虹樓梯》
《動物小鎮》
《音樂藝術家之樂》
行落一個街口到「忠正街」就好似去左第二個風情小島咁。一直沿住條路行落去，就可以搵哂啲畫嫁喇！未去到旅行，嚟呢度止住心癢先啦！
《維也納音樂小鎮》
《經典荷里活傳奇人物》
有咁多幅靚畫，真係打卡打到手軟！
不過呢度好近民居同埋其他商店，嚟打卡要顧及他人，唔好過份喧嘩呀～
《藝里坊 ARTLANE》
地址：港島西營盤奇靈里、石棧里及忠正街
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
留言 1