顏仟汶一曬即黑　為靚靚出海都要包到冚

藝人顏仟汶日前與大班同性好友出海遊船河，當日天氣好到不得了，她稱是今年首次出海的「下水禮」，所以很想留倩影！原來很怕曬的仟汶，影完相便要包到冚，她稱：「我超容易曬黑，呢頭影完，個頭即刻青蛙上身，包到冚晒，我唔係怕被人睇蝕，而係怕被太陽伯伯吸乾，變黑炭！」

不過年屆49歲的仟汶亦保養得宜，她稱：「年尾入5啦，算係咁啦，真係最緊要健康心態，年齡只係數字了吧。（疫情又爆可會擔心？）7.7 船河後，就再爆疫情，嚟緊都打算盡自己責任，盡量留喺屋企做吓運動，睇吓電影，避免出席人多聚會，希望疫情快啲過。」

東網網站 : https://on.cc/

東網Facebook專頁 : https://www.facebook.com/onccnews/