DSE嘅考前準備唔止係得讀書嘅！細數10大溫書假娛樂！

你敢話你冇做過？

雖然話考DSE嘅日子真的壓力山大，不過大家都做過學生，又點會真係一日廿四個鐘都溫書㗎？總會忙裡偷閒做下其他嘢，仲識安慰自己「吊頸都要唞吓氣」（有些事情就不要拆穿~  ♪），DailyView網路溫度計就根據大家除咗溫書之外仲偷雞做嘅事，透過網路大數據做咗個調查我地就來睇下你有無做過以下嘅嘢來逃避下現實啦！

DV小教室：香港網路大數據觀測咗近萬個網站頻道(而且不斷增加ing)，包括港澳地區的新聞頻道、FB、IG同埋各大討論區、Blog……透過強大嘅網文爬梳觀測，攞到巨大嘅資料樣本數，拎到上億嘅文章及留言訊息，以人工智慧的語意程式做分析。

image source：pixabay

10 唱返首《無盡》幫自己打氣

考DSE之前，學校都會有Study leave ，咁空閒嘅時候真係好考驗大家自制力。難得唔使返學，一班學生仔突然變咗「無王管」，自己讀書又容易無聊就會搵朋友仔傾下，美其名約出嚟互相打氣支持一齊讀書，到最後都會唔小心直接約係K房，唱返一個下晝盡興。難得唔使返學，有咩爽得過平日去唱K，仲有優惠價添！

image source:Youtube/Jason Sharon

9 追星機會可遇不可求啊

追星係全天候嘅事，只不過平時要返學，就只有星期六日嘅時間可以追星。有時候偶像嘅活動係返學嘅時間舉行，真係好有衝動請病假，不過病假又點會咁易請到啊。書幾時都有得溫，但係偶像來香港可能係幾年一次嘅奇遇，梗係要親身到場見偶像風采一面！有啲忠實粉絲甚至會趁溫書假飛去睇偶像演唱會，係愛啊哈利！

image source:Facebook/Mayday

8 買買買！財散人安落！

喺屋企讀書有時因為太過舒服嘅環境而提唔起精神讀書，再加上學啊媽成日都講「留得喺屋企多個人會悶親」，大部分學生讀吓讀吓就會想出吓街，呼吸吓新鮮空氣。呢個時候梗係要關心吓frd子嘅健康，要叫埋個frd子一齊出來，咁啱又會約到係平時最鍾意行嘅商場啊，咪順便睇吓衫，順便shopping吓囉。

image source:pixabay

7 睇課外讀物其實係為咗寫作（誤

大家應該都經歷過，明明每隻字都睇得明，但翻頁之後又好似唔記得前面到底溫咗咩。呢個時候就係時候轉換下唔同嘅書，不過換著另一科同樣要死記硬背嘅科目，好似唔多大幫助。於是乎就需要啲比較輕鬆嘅讀物來平衡吓，好似追到一半嘅漫畫、仲有平時無時間睇嘅小說，啊應該係話課外讀物，終於可以一次過癮！    

image source:Youtube/ bball0205

6 書要溫 劇都要照煲！

放足一個月溫書假，好容易令人有種錯覺有大把時間慢慢溫，最緊要係依家「活在當下」。既然聽日唔使返學，就大安旨意熬夜唔訓覺，梗係趁呢個時候追返劇集嘅進度。不過煲劇帶來嘅後果，就係作息時間會成個掉轉曬，好容易打亂讀書計畫，記得要好好控制自己啊。

image source:pixabay

5 假溫書真拍拖

「同學愛新鮮，戀愛大過天」，離開校園嘅管束，好多戀愛嘅種子開始光明正大咁萌芽。尤其讀書讀得咁辛苦，一眾準考生喺呢個時候，最需要心靈上嘅支持。唔少情侶都會相約自修室，又可以一齊讀書、又可以培養下感情，溫完書仲可以去食個M記先返屋企，簡直就係中學最美好嘅時光。

image source:Youtube/HUACE GLOBAL FUN

4 去主題樂園嗌爆減壓

讀書讀到咁上下，就會開始難免想犒賞一下自己，尤其覺得自己追得上讀書計畫嘅進度，係時候搵一日適時放鬆！你一定都趁呢個時候約過朋友仔，去主題樂園玩返日。仲要越多人越好玩，好似去班旅行咁。畢竟DSE考完大家有機會會各散東西，就當提前去個畢業旅行，累積美好回憶。

image source:Youtube/木曜4超玩

3 打返轉機先溫書

都話係屋企溫書容易分心，事因實在太多誘惑。明明望著本書，想話上網搵下補充資料，又會突然開始睇下遊戲攻略。無啦啦就會開Switch來打返兩舖機，一打就一個晏就。畢竟讀書點叻都好，一氣呵成過關嘅成就感，喺其他嘢代替唔到㗎。依家手機遊戲咁發達，仲更容易令大家分心，記得唔好誤大事啊。

image source:flickr

2 炒吓散調劑吓緊張心情

難得唔使返學，好多學生都會趁DSE溫書假，「合理安排」時間嘅情況下，去做兼職賺下外快，當提前累積職場經驗，同時亦可以儲下零用錢（如果唔係點去玩）。學生可以做嘅兼職不外乎補習老師，又或者去餐廳做侍應，但係返工始終會好消耗體力同腦力，好容易返到屋企就無精神溫書，只適合唔使重頭溫書嘅學霸型學生。

image source:flickr

1 只有學霸適用嘅旅行

講到放足一個月溫書假，有咩好得過趁呢個非暑假嘅淡季去下旅行！睇住人地去旅行真係幾時都咁「葡萄」，尤其係大家都臨急抱佛腳嘅時候，身邊嘅同學如果係呢個時候出國，真係羨煞旁人。不過大部分父母，甚至考生自己都唔會贊成呢個時候出去玩。去旅行呢啲機會真係留俾學霸，又或者已經唔在乎DSE成績嘅學生先做得出。

image source:pixabay記得唔好玩到唔記得考試啊！

雖然話溫書都要放鬆吓，但記得要收心啊！如果真係10大你都做足晒，到時放榜就後悔都嚟唔切㗎喇！想放鬆其實都有好多方式嘅！其實得閒仲可以睇吓之後嘅出路，或者食個tea輕鬆吓就好繼續奮鬥喇！考完試又一條好漢，想點玩都得啦～

分析說明：

本研究資料分析時間範圍為2018年02月26日至2019年02月25日，共一年。

網路大數據系統觀測港澳地區上萬個網站頻道，包括新聞頻道、Facebook、Instagram、Twitter及各大討論區、部落格等，針對討論『DSE前夕大家都會偷偷做嘅事』相關文本進行分析，並根據網友就該議題之討論，作為本分析依據。

本文分析之結果，非參考投票、民調、網路問卷等資料，名次僅代表網路討論聲量大小，不代表網友正負評價。