網友照妖鏡｜王祖賢被偶遇照曝光　疑曾執相扮後生

「一代女神」王祖賢息影後一直不食人間煙火，隱居加拿大平穩過日子，不過女神難敵網友法眼，多次被人街頭偶遇並拍低仙氣風采，令大眾可以繼續欣賞如此美貌。今年年初，王祖賢罕有上載新照，相中佢對鏡頭側頭微笑，即被網友大讚54歲嘅佢望落似34歲！不過尋日（18日）有網友晒出自稱「第N次偶遇」女神嘅新相，目擊佢帶住自己隻白色愛犬出巡，大讚對方頭髮同皮膚保養得宜，女神長髮飄飄、膚白溫柔，背面仲似足成個少女咁。

不過有網友就將今次偶遇圖同上次王祖賢自己Post嘅相做對比，今次佢就法令紋明顯，體態亦比上次圓潤，搞到網友就質疑上次會唔會只係P圖效果，加上佢未有戴口罩現身，似乎都唔怕被認出。

東網網站 : https://on.cc/東網Facebook專頁 : https://www.facebook.com/onccnews/