Gordon Flanders《歌頓花園》 演繹輕鬆舒服甜蜜浪漫
Gordon Flanders新作以輕鬆舒服之演繹，帶大家進入甜蜜浪漫嘅《歌頓花園》。
「書信很遠很遠 每字保溫保暖 嘆魚雁往返很慢」
舊時人談戀愛，往往要翻山越嶺，歷盡艱辛先能夠表達愛意，一紙書信、一句說話都充滿溫度，非常珍貴。人們亦更重視每段緣分、每次相處，當確認了對方，就終身不變。
「那時代那空間 廝守不許變幻 人方懂珍惜 安穩的茶飯」
現今社會節奏卻太急促，我地好似再無心思深入了解一個人。當彼此有裂縫時，寧願及早離場，轉搵另一個更合適對象，都唔會花心思溝通遷就。人來人往，愛情日漸變得兒戲。
「和你這一生 尋求 這種根深 葉茂 守護這花園 灌溉心中存有」
然而，在此世代中，總有人比較老派，願意用心經營一段感情。彼此為關係付出，互補不足，細水長流，長相廝守，執子之手與子偕老。無需迎合社會風氣，跟隨自己步伐，老土一點又如何，其實平淡簡單同樣係一種幸福，浪漫係要用時間證明。
真正嘅愛，係同一個人嘗試不同新事物，而唔係同唔同人嘗試重複嘅事。
「仍舊曲新唱 如初戀 無新愛舊情 早斬斷 才能永遠 平平 淡淡 永遠」
生命有限，但有你就夠，讓愛情永遠保鮮，建構專屬我地嘅花園。無論未來有咩難關，只要攜手面對，就定能跨過。保持初心，矢志不渝。
「當老土夫妻 以古方智慧 孕育萬年 沒枯萎」
《歌頓花園》由旋律、歌詞到演繹都甜到入心。Gordon自己亦繪寫咗一個夢幻愛情故事，唱依首歌特別有feel，依首同《慢半拍》好適合喺婚禮播！
「庇護這花園 掃去千生塵垢 循舊式姿態 來相戀 重申我立場 不反轉」
我係非常早期已經認識Gordon，由開初走比較indie風格，及後開始出廣東歌，再涉足不同題材，到依家逐漸受樂迷歡迎，溫柔又富感情嘅聲線屢屢感動到我，絕對稱得上係有特色同才華嘅唱作歌手，好慶幸能夠見證依個成長，快啲再開專場啦！
「如常愛你 平平 淡淡 永遠 甘願」
最後，緊記珍惜甘願和你平淡到老嘅伴侶❤️
《歌頓花園》Gordon Flanders
曲：Gordon Flanders
詞：小克
編：Justin Yau
監：Gordon Flanders / Justin Yau
「我共你 照料這美麗玫瑰
罩住一世 隔開蜂蝶及爛泥
當老土夫妻
以古方智慧 孕育萬年 沒枯萎
環顧這一生 潮流
不需更新 仍落後
庇護這花園 掃去千生塵垢
循舊式姿態 來相戀
重申我立場 不反轉
如常愛你 平平 淡淡 永遠 甘願」
▼Follow hkpopculturelover
Instagram: https://www.instagram.com/hkpopculturelover/