莊思華合資創業賣辣椒醬　雙線發展埋家族生意

藝人莊思明（Lisa）自從加入《愛.回家之開心速遞》後，演技被讚愈來愈好，備受關注，而Lisa的孖生家姐莊思華（Mona）就主力幫屋企打理生意，近日Mona就與友人合資創業做手作辣椒醬，全因一個理由，因為喜歡食辣：「我本身好鍾意食辣，係無辣不歡，基本上每一餐飯都要加啲辣椒醬，慢慢就對辣椒醬要求愈來愈高，咁啱有幾個朋友都係鍾意辣，於是膽粗粗試吓自己做。」經過大半年時間研發和改良，在吉隆坡生產推出，只有獨沽一種口味。Mona並非第一次做生意，今次與幾個香港和馬來西亞好朋友合作，問為何不預莊思明和大家姐莊思敏份？思華表示她們各有各忙，而個人投資跟家族生意兩不耽誤，實行雙線發展。

東網網站 : https://on.cc/東網Facebook專頁 : https://www.facebook.com/onccnews/