邱彥筒為新歌飛台南拍MV 與《影后》牧森談情

COLLAR成員邱彥筒（Marf）日前推出新歌《Love Me Down》，曲風以Afrobeat的節奏為主，再配上廣東話，成為一首風格獨特新穎的廣東情歌。為配合歌曲氛圍，Marf前往台南拍MV，更邀請台灣演員牧森擔任男主角。兩人首次合作，鬧出不少趣事，Marf更被普通話考起。

新歌《Love Me Down》由T-Ma監製、陳蕾填詞，顧名思義以愛情為題，帶出長久的愛情，如何可維持火熱關係的信息。雖然《Love Me Down》跟《TXT OR CALL》及《心好細 <3》同樣主打愛情，但過去兩首歌較少女味，Marf表示：「Afrobeat節奏嘅歌多數都係情情塔塔，而我想用現代及獨立女生形象來做呢首歌，所以邀請陳蕾填詞，佢對我嚟講，佢嘅戀愛價值觀同女性特質都同我好相近。」

首次為Solo歌到外地拍MV，Marf十分興奮：「感覺都幾開心，今次行程自己擔當化妝師、半個造型師，亦有擔當男主角牧森嘅跳舞老師，呢啲職位對我來講都興奮。」提到跟牧森首次合作，Marf讚他很有風度，是個好對手。她說：「合作過程好開心，最有趣係第一日拍攝，大家未熟就要拍吵架場面，吵架後又要抱抱。為免拍攝時尷尬，好多時我當自己拍緊戲，雖然冇劇本，但男主角都係演員，就當拍緊一齣戲。」

牧森則大讚Marf是跳唱高手：「第一次跳舞，初初收到知道要跳舞時，非常害怕，因為未試過跳，所以在家練習，Marf是好好的老師，好有耐心教我。起初她看起來cool cool的，其實好溫柔。」雖然Marf自言普通話不太好，但無阻二人成為朋友，牧森更大爆趣事指：「有一場吵架戲，原本大家講中文，後來變成佢講廣東話，我講普通話，我要想她講什麼，我才再回答。」

（即時娛樂）