許韶恩網美照騷Quali　網友晒小S寸做作女片段笑爆嘴

台灣女星小S（徐熙娣）育有3女兒，其中二女Lily（許韶恩）因激似「台灣第一名模」林志玲，圈粉無數嘅同時，廣告代言更係接不停。而不時透過社交網分享生活點滴嘅佢，日前亦晒出一輯身穿紅色繞頸露肩短裙飲咖啡嘅網美照，大騷完美直角肩之餘，隨着柔順秀髮被海風揚起，更係散發出絲絲江南風情，令人充滿無限遐想。

然而，雖然Lily一輯性感靚相引嚟唔少粉絲留言大讚，但同時亦有網友搞笑晒出小S曾喺節目《康熙來了》中，寸做作女嘅節目片段，只見小S先係指佢哋會喺咖啡廳，嗌個餐及一杯咖啡，再將頭髮撥去一邊兼不斷撩頭髮影相，甚至連飲咖啡都要繼續將個頭側向一邊，最後更忍唔住爆Seed道：「就流出來呀！流光好了！」搞笑呼應笑翻唔少網友。

東網網站 : https://on.cc/東網Facebook專頁 : https://www.facebook.com/onccnews/