曾樂彤做獨立歌手 最緊要靠自己 KOLOR分享成功定義

樂隊KOLOR和REVERY﹑準人妻曾樂彤﹑組合per se﹑陳慧敏和CotaBoii，演出《電笠：人人和音 SCHOOL TOUR》，曾樂彤以清爽打扮現身，獻唱《Click Me》及《蚊子血》。過去她曾對歌手身分感迷惘，直到去年以獨立歌手身分繼續追夢，愈來愈清楚自己的音樂風格，曾樂彤說：「我想鼓勵同學仔，最緊要靠自己，只有自己係唔會背叛自己嘅。無論係覺得有依靠，還是一刻嘅安全感，一定要鞏固自己嘅實力，知道自己嘅興趣喺邊，咁就一定唔會衰㗎啦！」

KOLOR及REVERY於台上爆發搖滾魅力，分別唱出《二十還好》、《了不起》、《惡性競爭》及《聽說你手機丟了》，師生們被他們的力量感染，不時歡呼尖叫！KOLOR多年來在樂隊界成績甚好，開騷亦極速爆滿，對於成功的定義，他們說：「因為我哋係做音樂嘅，一定係搵到我哋嘅知音，有朋友鍾意我哋嘅音樂。成功嘅定義唔一定用金錢或者社會地位衡量，好多時都係一個個人價值觀，或者個人嘅創舉，先有成功感！」

（即時娛樂）