古天樂新片不擔心票房　預告周秀娜跳舞謝票

藝人古天樂(古仔)、周秀娜、黃浩然及楊偲泳等今晚於觀塘apm出席電影《私家偵探》首映，說到電影行業市道一般，會否擔任票房時，古仔表示此片內地票房尚可，之後會到馬來西亞宣傳，如果香港播時都會出席謝票。至於戲院愈執愈多，他又指此乃大環境趨勢，不到他們控制，惟有做好本分。期間周秀娜表示自己都會親自謝票支持，古仔即叫她跳舞謝票，她笑言：「又跳？喺門口跳呀？一齊跳囉！」

提到古仔最近跟導演陳可辛齊齊為韓國網劇《ONE:高中英雄們》作執行監製，他表示還有另外一套，但只是監製，自己不會演出，坦言要作多方面嘗試，再問他最近拍攝AI短片，他謂：「睇吓配合到做到啲乜，自己都想研發一個自己嘅系統，(造成影片還是作輔助？)呢啲都係商業秘密，而且AI都有好有壞嘅，都要睇吓點樣配合。」說到運用這麼多AI，怕否會令更多影視業界行內人失業時，古仔說：「其實AI已經誕生咗，要擔心嘅係應該要好好認知AI究竟係乜嘢嚟。(咁應該點樣應用？)可以應用喺唔同場景上，特別拍科幻片係好啱用，但都要調節，(投資好大？)咁睇你點睇啦！AI科技每半年更新一次，要投資幾多根本無法計算。」

另外，提到之前宣萱表示原本《尋秦記》電影版要補戲，但最終又不用，是否以AI代替時，古仔謂：「唔係，佢補咗啦！佢自己唔記得啫嘛！同埋補戲都唔需要用AI。」而之前眼睛已做手術的古仔今日都戴上太陽眼鏡出席，他透露8月有可能要再做手術，「之前修補視網膜，依家要睇飛蚊症情況，唔使做當然最好，因為都係大手術，到時再睇情況。」

東網網站 : https://on.cc/東網Facebook專頁 : https://www.facebook.com/onccnews/