佘詩曼內地返港陪媽媽睇醫生 傳大隻型男全程貼身陪伴

近年長駐內地搵人仔的46歲視后佘詩曼，先後演出《延禧攻略》、《鬢邊不是海棠紅》、《燕雲台》等劇集而大受內地觀眾歡迎，拍劇、廣告、綜藝接到冇停手，近日亦忙住拍攝新劇《今天的她們》。

日前有指佘詩曼的媽媽身體欠佳，不時出入中環一間專科診所接受檢查，而順來是「孝順女」一名的佘詩曼都即時放低手上工作回港陪媽媽，不過有傳今次佘詩曼並非孤令令回港，而是有個年約40歲的大隻型男陪伴同行，男方更加做「柴可夫」接送佘詩曼，陪她貼身服侍佘媽媽，三人更齊齊現身西貢市中心買餸，最後型男更直接跟佘詩曼返西貢寓所開餐，關係似乎唔簡單。其實事業如日中天的佘詩曼之前曾公開表示恨拍拖，亦擔心自己搵唔到伴侶，而佘詩曼曾公開過自己的理想型是有才華又能令她仰慕的男生，更表明不會為結婚而結婚，一定要找一個自己很喜歡、互相欣賞學習的人才會相伴到老。