反「努力論」網紅拒認針對姜濤　「你嬲即係你都覺得偶像唱歌難聽」

叱咤樂壇流行榜頒獎典禮每年元旦舉辦，被視為該年度樂壇最後一張成績表，本地男團MIRROR橫掃多獎再成大贏家，無論組合還是隊中成員都各攬多項大獎，成績彪炳，當中姜濤連奪我最喜愛的歌曲大獎及我最喜愛的男歌手，得獎次數追平前輩張學友及陳奕訊的紀錄，網紅「嚴重脂肪哥二世」拍片鬧爆「努力論」，主張不應再用「好努力好努力」形容唱得難聽的歌手，引發網民熱議，有留言指他字裡行間明寸姜濤，「嚴重脂肪哥二世」今日（4日）再次拍片補充，強調自己是討論現象，無意針對個別歌手。

網紅「嚴重脂肪哥二世」在新片中解釋，事前沒有想過短片會有那麼大迴響，並指只是笑垃圾歌手，並未指名道姓：「第一，我由頭到尾都冇話係邊個歌手，唔好話我公然批評同呢啲歌手開戰，我由頭到尾都係討論個現象，如果你嬲，即係你都覺得自己個偶像唱歌難聽，你自己對號入座。第二，啲人成日話阿豬阿狗都做網紅，我係個Vlogger，我唔係一個網紅，唔好屈我。」他亦回應網民質疑要識唱歌才可以批評歌手唱功，直言是「垃圾邏輯」：「我唔係歌手，我做咩要唱歌好聽先可以話佢，我係一個歌手就話啫。」再吸引大批網民留言表示同意。