黃心穎自己收花暗洩密　誤爆黃心美疑再婚

藝人黃心穎去年10月與樂隊RubberBand鼓手泥鯭（黎萬宏）拉埋天窗，今年係佢哋婚後第一個情人節，尋日（14日）佢就晒出收到大大紮花嘅獨照，笑到見牙唔見眼，又晒出同家姐黃心美及媽咪嘅合照，不過佢嘅留言就令人好多聯想，佢寫道：「代Daddy送花畀媽咪 代未來姐夫送花畀家姐」然後再tag黃心美帳號。其實去年黃心穎分享舊照時，就疑曝光家姐黃心美嘅新戀情，當時佢將手繞着身旁男子，依家阿妹黃心穎仲要提起「未來姐夫」，即令人揣測黃心美有再婚嘅打算，情人節被爆婚事，可喜可賀。

東網網站 : https://on.cc/東網Facebook專頁 : https://www.facebook.com/onccnews/