《青年心城》有齊濕身戲床戲　游嘉欣先係重點！

無綫短篇新劇《青年心城之撐起青春》近日出街，搵嚟幾位「後生仔」游嘉欣、林正峰、施焯日等擔正，自然吸到一幫年輕網友收睇，劇情亦都貼近番網友嘅口味，當中就有一場更台濕身男女戲水片，尤其女神游嘉欣仲有泳裝上陣，睇到宅男流晒口水。

劇情講到眾人探靈後決定沖碌柚葉水清衰氣，齊齊去到天台吹氣水池入面玩直播，期間互潑搞到水花四濺，青春指數爆晒燈，雖然游嘉欣喺泳衣外加上白色小背心，不過一濕水即透出入面件三點式，唔怪得之網友都話愈睇愈醒神。事後三人亦透露當日拍攝順利，仲爆料中途一度落雨停拍，拍攝時又係咁玩水槍，連副導同Cam Man都濕晒。

而《青》亦有男男床戲，不過行搞笑路線，由扮演情敵嘅林正峰、施焯日大被同眠，又十指緊扣，不過當施焯日挨實林正峰時，林正峰都即刻啤實對方，場面搞笑。

東網網站 : https://on.cc/東網Facebook專頁 : https://www.facebook.com/onccnews/