消息指麥巴比拒絕PSG提供10日假期

根據法國傳媒隊報最新消息，法國前鋒麥巴比係星期一同教練加迪亞同埋體育總監奧保斯傾過，呢位前鋒希望自己盡快返到球隊接受訓練，麥巴比更指出自己無論係心理定係生理都感覺唔錯。而麥巴比琴日朝早就返到巴黎聖日耳門訓練中心。

根據法國傳媒RMC消息，麥巴比好有可能會參加（香港時間12月29號凌晨）主場對住史特拉斯堡法甲比賽，之後PSG將會係1月2號作客場對住法甲黑馬球隊朗斯。

至於兩位巴西球員尼馬同埋馬昆奴斯今日都已經返到巴黎聖日耳門訓練中心，但阿根廷球王美斯幾時返去球隊仲暫時未知，因為呢位球王依家係阿根廷進行緊慶祝活動。