微辣阿丞IG出文疑說反話　指自己扮病博同情：我認晒啊

微辣前經理人阿晶早前離世，遺言說到涉及職場欺凌，之後微辣被抵制，網民搜刮出大量黑材料，令微辣最後宣佈暫停更新。當中除了霍哥、豪Dee等被稱為「清泉」，宣佈離開微辣個人發展外，其餘多人都被指責有份欺凌，包括曾發文出對話圖自稱是阿晶病友的阿丞，不過近日他再出文發霉氣，似乎受到極大壓力。

阿丞早前曾出文，指阿晶欺凌事件的始作俑者是微辣成員卡特，而當日出「喊相」嘲弄阿晶的亦不是他本人IG，事實當日「喊相」是由卡特(carter0927)上傳。而且阿丞更貼出自己和阿晶的對話截圖，當中提到二人是病友關係，有互相擔心。不過早前隨著卡特公開的對話紀錄被踢爆疑似曾作修作後，阿丞又再被懷疑。
而日前阿丞就在IG出文：「係，我係diss阿晶，鬼叫我講嘢有懶音，又唔好笑，仲要扮病摶同情！我咁嘅樣邊有資格得病！
係，我係diss阿晶，鬼叫當事人個個潛X晒水，大家宜家冇人好鬧咪是但搵個俾個莫須有罪名！哪怕我係微辣不嬲少Job，仲要日日喺節目做下把位被取笑被娛樂，但我只要係微辣做，就係死罪！
係啊，全部係我做o架！我認晒啊！個個都咒我死！大家唔駛再格硬去分析去搵證據，全部我做嘅！我一定不得好死！滿意未？」