【觀塘美食】觀塘新酒店海鮮半自助餐　任食長腳蟹/龍蝦/即開生蠔/壽司刺身

觀塘一向好多餐廳、cafe，不同菜式都有，但就較少有自助餐。最近2018年12月新開的觀塘智選假日酒店，開設區內首間自助餐餐廳「Walter Bistro」，可以任食多款海鮮，有即開新鮮生蠔、波士頓龍蝦、阿拉斯加長腳蟹，甚至壽司刺身等。現時開業初期更推出半自助餐優惠，有興趣的朋友不妨試下！

新開的觀塘智選假日酒店，開設區內首間自助餐餐廳「Walter Bistro」，開業初期更推出85折優惠的半自助餐，可以任食多款海鮮。

餐廳還有多款海鮮供選擇，有阿拉斯加長腳蟹、日本松葉蟹、青口、大蝦等。

即開法國生蠔及愛爾蘭石蠔，肉質新鮮，蠔味濃郁。

波士頓龍蝦，好大隻，仲有好多蝦膏，蝦肉肉質彈牙，鮮甜又多汁。

刺身方面有三文魚、吞拿魚、八爪魚和帶子等，還有多款壽司及日本料理選擇。

除了任食美食之外，半自助餐會附上一道主菜，客人可在六款主菜中選一款，有烤澳洲羊架、法式烤乳豬、法國鴨脾、串燒三文魚及帶子伴野菌芝士黑松露醬意大利飯等，而另加$100就可以歎到M6級和牛肉眼扒。

法式烤乳豬，有二人份量，每件豬肉都的豬皮烤得頗鬆脆，肥肉不算多，不會太膩。

M6級和牛肉眼扒外表看似煎焦，其實是佈滿調味料，令牛味更突出。牛扒肉質軟腍，充滿肉汁。

餐廳亦提供多款精美法式甜品任食。

仲可以任食多款口味Mövenpick雪糕。

價錢: 自助午餐$218，半自助晚餐$468，另收加一服務費。（新開張期間，半自助晚餐由即日起至1月31日可享85折優惠，詳情可致電餐廳查詢。）

生活