香港估估吓：沙頭角有間發達屋？

在香港，買樓是件終身大事，很多人都會搵風水師左看右看，希望揀到間旺丁旺才的發達屋，而坊間的樓盤亦會以意頭名字命名作招徠。其實從前流行自己買地起屋兼改名，遠在沙頭角下禾坑就有間取了相當好意頭的大屋，大家知唔知係咩名呢？

答案就係叫發達堂，這間於1933年由上禾坑村李氏完族的第7代李道環4位兒子組成的「李道環祖」興建，年輕的李道環曾去越南打拼，衣錦還鄉就入住下禾坑村並建屋，建成兩層高的「發達堂」，以青磚、木和鋼筋混凝土作主要物料，屋頂是明顯的客家式人字瓦頂，正門則是金屬製的中式趟櫳門，窗外亦裝有金屬窗罩，傳統中帶現代化氣息。

唔知係咪間屋個名改得好，李道環長子李鈞蘭在1936年獲總督委任為沙頭角區其中1位「諮議」，負責就區內事務和糾紛提供意見，在當時來說是一個很大的榮譽，名副其實的有錢又有面。「發達堂」在2013年更成為香港法定古蹟，多年來從未易手，直至現時依然由其後人所持有。

東網網站 : https://on.cc/

東網Facebook專頁 : https://www.facebook.com/onccnews/