想瘋狂一次]

玩車黎講，呔鈴避震死氣喉係好基本嘅事，有時想諗啲顛嘢去比自己放縱下，比架車瘋狂下。不過唔少人最大嘅顧慮，除咗好人之外，最擔心一啲返唔到轉頭嘅改裝會令自己後悔，就好似Widebody，或者顛到換唔同車嘅Engine。 早年最多人討論嘅，就係AE86+S2000 F22C引擎，而最近為人最熟悉就一定係Widebody。無論係RWB定係Veilside，都不乏一大班粉絲去追捧，尤其當部車係由原裝經老闆一手一腳來港打造嘅，而家直頭係車界大新聞一樣。 玩得車有好多嘢估唔到，顛起上黎有時自己都驚，不過當可以有一部代表到你自己嘅車嘅時候，就會明白，痴線，都可以係美化嘅形容詞。