危險人物！馬蹄露被姪仔趕出露台煮咕嚕肉

唔通馬蹄露係地獄廚神？

醃肉落得太多雞蛋！

準備開始！

馬蹄露被視為「危險人物」！

被趕出露台下廚。

製成品完成～

試食後大家都讚不絕口！

藝人馬蹄露同姪仔馬米高感情要好，兩姑姪經常齊齊拍片大放笑料！呢日馬蹄露姪女帶埋外籍男朋友返嚟香港，馬蹄露即大展身手煮咕嚕肉宴客！

但點知馬蹄露被屋企人視為「危險人物」，勒令佢要出露台煮食，但仍然冇損佢煮食嘅心，先嚟醃肉時雞蛋好似多得滯，搞到水汪汪咁，最爆係佢唔係一片片咁沾上炸粉，而係成碗倒落去，難得係佢勁有信心話冇事，話過程唔重要，最緊要係食物嘅味道！

終於到落鑊炸，不過火力好似麻麻地勁，油又唔係夠多，炸完一次馬蹄露覺得唔係好夠粉漿，竟然再沾多一次再炸過，究竟得唔得？最後煮埋個汁咁就完成，雖然煮嘢食過程就真係麻麻地，但大家試食完之後，都讚不絕口話其實都幾好味，但亦有唔少網友錯重點，話堂妹幾靚女，有潛質參加香港小姐！

網民有話兒

Hxx txxg L exxg：最喜歡看你兩姑姪

MXi Mxxi：今次好多笑位，真係好正！

mX mX：好好笑，佢哋兩個好配合，堂妹好靚，靚過晒啲香港小姐

keXXu cXan：唔係喎，真係好似好好食喎，搞到我都想試下（吓）

東網網站 : https://on.cc/

娛樂