8歲上真人騷　《葉問4》李宛妲封翻版光希

「宇宙最強」甄子丹最後一部功夫片《葉問4：完結篇》，上映兩日內地票房已超過2億人民幣，其中飾演「萬若男」嘅電影新人李宛妲（Vanda），更因為一場被甄子丹拯救嘅戲份成功搶鏡，廣受內地網民討論，獲讚顏值高之餘，更有網友指佢神似日本男神木村拓哉女兒木村光希，而被封為「翻版光希」。

戲中佢慘被虐打，激發出堅強、硬朗嘅一面，而現實中嘅佢就相當調皮可愛，不時上載搞怪表情自拍照外，日前為宣傳電影亦上載一段搞笑影片，片中長頭髮嘅佢被朋友作勢剪短，想「還原」戲中「若男」嘅短髮造型，令佢即時露出「黑人問號」表情，無厘頭得嚟非常搞笑。

現年16歲嘅Vanda係中德混血兒，去年簽約澤東旗下，成為澤東成立26年以來年紀最小的藝人。而佢早在8歲，就因為同姐姐參加電視節目《中國達人秀》而受到注目，展開演藝之路。

東網網站 : https://on.cc/

東網Facebook專頁 : https://www.facebook.com/onccnews/