【《古惑仔》始祖】56歲鄭浩南內地登台變身型爆中佬

憑電影《古惑仔》成名嘅鄭浩南，喺片中同鄭伊健爭做話事人鬥過你死我活，現年56歲嘅佢近年收晒火，開始向歌壇進發！日前佢於內地登台嘅片段於社交網流傳，見佢一身型佬打扮，貼身牛仔褲加皮褸，風采依然，不減當年勇！唱至中途更有熱褲辣妹伴舞，台下觀眾high爆扭身扭勢，睇嚟鄭浩南仍然有一定嘅叫座力！

鄭浩南自從喺2002年同馬來西亞籍太太結婚後，佢移居當地並開始轉行做生意，太太為佢誕下一對仔女，佢亦漸漸淡出香港娛圈，只係偶然返港客串電影或電視劇，最近一次就為ViuTV劇集《地產仔》客串。

東網網站 : https://on.cc/

東網Facebook專頁 : https://www.facebook.com/onccnews/