夥「28女聲」月底登紅館！陳輝陽完成三部曲：有今生無來世

紅館今年非常熱鬧，除Leon、太極、C AllStar、莫文蔚、方皓玟外，陳輝陽夥28女聲亦於6月25日初登紅館。陳輝陽與28位女聲合作已經5年，去年陳樂頤（阿左）參加《全民造星III》，成員間互相關心，知道她出局後亦有了解阿左會否歸隊繼續唱。

陳輝陽說：「唔可以話我擔心佢唔返嚟，因為每個人嘅去留都有自己嘅意願，佢肯繼續返嚟唱，我當然無任歡迎，好似作品展主題《人來人往》，就是香港這城市內每道橋上每天發生的悲歡離合。世事萬變，所有人都被逼急速成長、接受改變，唯一不變，是情。」

以陳輝陽創作的歌曲作主軸的《陳輝陽 x 女聲合唱 作品音樂會 人來人往》，為28位女聲組成之「聖少三部曲」最終回。繼2016年首演《少女的祈禱》、到2018年香港、澳門兩地爆滿的《上一次流淚》，到原訂2020年情人節正日上演之《人來人往》，三部曲原計劃於5年內完成。

由於受疫情影響三度延期，以「有今生無來世」的決心入紙，沒有明星招徠，竟然取得「紅館入場券」。陳輝陽說：「原本喺麥花臣已經整好咗條長方形橋，但紅館大太多，觀眾亦喺紅館見過唔同嘅橋，要有新鮮感必須創新，最後諗到整一座圓形嘅橋，你可能會覺得好詫異，但就係想挑戰一下。」