車路士3:0挫PSG 高爾彭馬2入球1助攻 帶領球隊勇奪世冠盃

車路士昨晚深夜以3-0完勝PSG巴黎聖日耳門，捧走改制後首屆世冠盃冠軍！

開場22分鐘，高爾彭馬於禁區內接應古斯圖傳中，施射破網先開紀錄，約8分鐘後佢再度突襲施射龍門左下方得手，短短半小時完成梅開二度。第43分鐘，佢助攻祖奧柏祖單刀輕挑，再度洞穿大巴黎大門，車仔保持3球優勢一直領先到終場。

下半場雖然冇再有入球，但84分鐘PSG嘅祖奧尼維斯因為拉扯古古利拉被直紅罰出場，令比賽氣氛更加緊張；完場後又爆出小推撞，幸好裁判同球員即時拉開。

賽後，馬列斯卡大讚球員由開波就帶住高強度壓迫，認為今場表現已足以證明球隊實力；大巴黎隊長馬昆奴斯亦承認車仔戰術更勝一籌，強調球隊要加強適應才能回勇。而高爾彭馬則獲選全場最佳球員，車仔上下士氣高昂，已經開始為下季做好準備，力爭今季重返榮譽 。

港新聞Instagram：https://www.instagram.com/kong.news/
港新聞Threads : https://www.threads.net/@kong.news