馮鎵瀠曾因一事拒看謝霆鋒個唱 25年後睇足4晚彌補遺憾

導演火火、曾展望（GM）及客席主持賴慰玲主持的TVB Plus節目《奇情谷》，昨晚（24日）請來馮鎵瀠（Naomi）現身分享由謝霆鋒小粉絲到入行後的經歷。現年40歲的Naomi是謝霆鋒忠實粉絲，曾在追星時獲得不少獨家優待。她自言最大成就莫過於跟偶像一起揭曉《1998勁歌金曲第四季季選》金曲︰「當日係我生日同霆鋒出道兩周年，有一個環節偶像可以帶粉絲上台，佢揀咗我陪佢。」

Naomi回憶小時候追星的日子︰「嗰時追星瘋狂年代點癲都好，大家有默契唔可以喺星屋企樓下等，呢類叫做『私生飯』，即係入侵藝人私生活嘅粉絲。25年前一個八號風球嘅晚上，因為塌樹無車搭，我要由銅鑼灣行去跑馬地返學，途中撞到霆鋒，嗰一刻佢覺得我犯咗『私生飯』罪名。我覺得好委屈，所以罷睇當年《謝霆鋒Viva Live》演唱會。」Naomi笑言她當時15歲，不知哪來的自信，霆鋒亦從其他粉絲口中知道她拒看其演唱會。Naomi結果一等就等足25年，直至早前才在啟德主場館再睹偶像開騷。她笑言為了彌補損失，買了4場門票。

談到當年入行做𡃁模，Naomi透露曾遇過恐怖粉絲，她表示有次從外地工作回港，一位手持20多個壽桃包的男粉絲在機場守候為她慶生。她說本來很開心，沒想過這位粉絲一直跟住她，到達夜場時更試圖闖入VIP房，事敗後就大叫「你淨係同啲靚仔玩得啦，我哋呢啲就唔使理」。Naomi亦試過出席公開活動時，遭粉絲從後熊抱，要工作人員解圍。

Naomi透露當年追星，粉絲間流行不少術語，包括頭寵（偶像最惜的粉絲）、擒（等到偶像派福利）、獨擒（獨佔偶像）、響名（偶像出場時，一班朋友大叫粉絲名，等偶像知到自己在場）。至於追偶像車，Naomi稱是家常便飯，最強試過由廣播道直追到樂富共7個交通燈，而當年有位一起追的女孩已轉戰跑渣馬。

（即時娛樂）