明明沙漠乜都冇｜練美娟無懼洪水高呼「有危才有機」

梁彥宗（Chris）與練美娟（娟姐）主持的ViuTV節目《明明沙漠乜都冇》將於明晚（18日）播出新一集，兩人身處納米比亞，途中前往納米布沙漠時突遇罕見洪水，橋樑被淹，行程受阻。眾人一度打算等待水位退去，其間目睹前方車輛冒險駛過，卻遭司機連番拒絕冒險。娟姐見狀毫不畏懼，高呼「Let's go」並直言「有危才有機」。她更提議：「我哋不如都過啦！」最終，眾人被困逾3小時後才得以繼續行程。

位於納米布沙漠南部的索蘇維來（Sossusvlei）被譽為納米比亞最壯麗的沙丘地帶，Chris與娟姐今次挑戰當地最高的觀光沙丘。出發前，娟姐準備充足，特意攜帶行山仗，她表示：「佢哋話喺你冇力嘅時候，都可能幫到你少少嘅，所以我願意依家開始用佢。」然而旅程甫開始，她已感受到沙丘的難度，形容自己「行一步退兩步」，更笑言：「我隻小腿每一步都好似拉緊筋咁樣。」相對之下，Chris則步伐輕鬆，並指出：「依家已經好好，因為落完雨啲沙實啲，如果唔係平時鬆多3、4倍。」

雖然早已預料行程艱辛，娟姐仍未想到攀登沙丘的挑戰如此嚴峻。即使使用兩枝行山仗輔助，她依然步履艱難，漸漸落後。Chris見狀打趣稱她為練「米」娟：「你喺個鏡頭度就嚟變咗粒米咁樣！」娟姐聽後不但毫不介意，反而笑言：「我想做呢個練『米』娟好耐㗎喇！通常大家都會用好大嚿嚟形容我，我終於可以變成一粒米咁細喇！」她亦坦言：「其實沙丘呢，我覺得睇就得㗎喇！真係唔需要去踐踏佢！」然而，當她終於登上沙丘頂端，望見壯麗景色，仍不禁高呼「值得」。

（即時娛樂）