膠戰S4｜「頭腦擔當」Edan玩遊戲搵救兵 唔支持胞妹跟肥腸交往

ViuTV遊戲節目《膠戰S4》由「6膠」成員呂爵安（Edan）、魏浚笙（Jeffrey）、黃正宜（阿正）、岑珈其、劉沛蘅（Hillary）及徐浩昌（肥腸）主持。今次「6膠」被一股神秘力量帶到異世界，他們需要玩盡各款遊戲，才能打開返回現實世界大門。

今晚（18日）播出一集，6膠進入「魔樹王國」，肩負起拯救魔樹責任，不過，救樹過程困難重重，6膠要合力應付接二連三的挑戰，當中如果有任何一關挑戰失敗的話，就會有膠人被犧牲！

6膠首先要在限時內，集齊50張散落於王國不同角落魔法卡，放在各人魔法器內喚起魔法陣。身為6膠「頭腦擔當」的Edan，為了加快收集魔法卡速度，直接找來3位素人救兵幫忙。

3位救兵看見Edan表現雀躍，當然亦有求必應，迅速找到3張魔法卡，其中1張原本更被收藏於隱蔽草叢中。Edan連番答謝救兵的熱心幫忙，又與她們擊掌，被派福利的救兵露出冧爆表情，說道：「我會繼續幫你搵㗎！」

之後6膠來到一張大圓桌前，合作進行3個回合遊戲，在其中1個回合中，6膠要在限時內把轉盤上的食物吃完。6膠邊吃邊聊天，阿正問到其他5膠：「如果喺我哋咁多個入面，要揀一個人做兄弟姊妹，你會揀邊個？」

珈其率先回答想Jeffrey當弟弟，因為可以日日欺負他，Jeffrey反指哥哥也可以被弟弟打，珈其霸氣回應：「你未長大，我都打到你歪啦！」豈料珈其此話一出，即被5膠無情取笑他old school。

Edan繼續追問珈其當哥哥，會否對弟弟「管三管四」，珈其表示不會，但笑Edan會管束親妹妹：「佢阿妹想拍拖都唔畀啦，佢呢啲人！」阿正隨即問Edan：「支唔支持你阿妹同肥腸一齊？」Edan果斷回答「唔支持」，更借珈其的說話補充：「我打到佢（肥腸）歪呀！」

肥腸此時亦加入對話，問道：「有冇話做啲咩係，可以令你願意介紹阿妹畀我識？」Edan一臉無奈，珈其再補一句：「哎呀﹗有冇大頭啊？好好睇呀佢（Edan）呢個樣。」令全場爆笑。

（即時娛樂）