炎明熹復出作加開5場　喪操唔想失禮

由「樂壇小天后」炎明熹（Gigi）、海兒及葉巧琳等主演的音樂劇《一束光——高錕的記憶》，開賣不久，10場門票旋即接近售罄。徇眾要求，音樂劇團隊除了率先釋出正在進行得如火如荼的綵排花絮預熱外，同時更決定加開5場。

Gigi則透露為了今次復出演出而落力準備，務求以最佳狀態與大家見面：「不論係演技唱歌同埋跳舞，我都會努力加油，希望可以喺舞台上駕馭到呢個未來少女嘅角色。我排練之餘亦都盡量注意自己身體同休息時間，希望有更好嘅體力應付演出，到時候都畀到驚喜大家 。」

海兒則透露自己今次有突破性演出：「大家以往可能較關注我唱歌方面，而且我係演藝圈資歷尚淺，所以可能比較難想像到我今次係飾演高錕母親一角，一個人生閱歷比我豐富嘅角色，所以絕對係一個挑戰同埋突破，大家真係要拭目以待，入場多多支持！」

在劇中擔正出演高錕妻子黃美芸一角的葉巧琳表示興奮，並對劇本讚不絕口：「聽到呢個消息真係好開心，估唔到門票咁快就賣哂，加開5場，好多謝大家咁踴躍支持！今次嘅音樂劇其實真係好有意義，除咗會致敬高錕先生嘅奮鬥經歷外，高太對於患上失智症嘅高錕所展現嘅愛同樣非常感人，亦可以令大家更關注照顧者嘅困難，所以好值得帶比更多觀眾！」

東網網站 : https://on.cc/東網Facebook專頁 : https://www.facebook.com/onccnews/