陳詠謙被外賣平台抽水　出長文鬧爆「今日自己做飯未」留言

香港填詞人陳詠謙早前開始玩社交平台threads，本來開開心心出第一個貼文：「報到。」誰知有外賣平台疑似貪玩抽水，留言：「今日自己做飯未？」這句留言就令到陳詠謙嬲爆回應。

事源陳詠謙早年曾為陳柏宇〈別來無恙〉填詞，其中一句歌詞「我現時自己肯做飯」就被網民狂玩，更有網民惡搞出「瘋狂做飯版」，當時更令陳詠謙想過轉行。今次被舊事重提，陳詠謙就好嬲出長文：「為咗刷like數，可以罔顧一個人嘅感受！」之後還提到：「原來除咗送外賣，仲鍾意灑鹽巴。貴公司將個官方帳號交到你手上，估計係認可你嘅能力同品格，足以代表公司發言。唔通呢個就係戶戶送嘅企業精神？」

文章還伸延到外賣平台罔顧車手死活：「為咗刷like數，可以罔顧一個人嘅感受；咁我估貴公司同樣可以為咗生意，罔顧車手/餐廳/食客嘅死活。」而且更指自己是該平台多年客戶：「可能會覺得我小器？但善意惡意大家心知肚明。聽人講，threads係製造二元對立嘅平台。我上得嚟，預咗玩辯論。」不過陳詠謙之後已經刪去此長文。