孝順仔女！佘詩曼忙完計劃陪媽媽旅行　Bosco為母賀壽送首飾

無劇人氣劇《新聞女王2》在《萬千星輝頒獎典禮》橫掃多個獎項成全晚大贏家，今晚（18日）筵開13席舉行慶功宴，總監製鍾澍佳率出爐視后佘詩曼（阿佘）、視帝黃宗澤（Bosco）、高海寧、王敏奕、吳業坤等逾百台前幕後齊齊出席，場面墟冚。

阿佘和Bosco被問到由誰負責出錢請客，兩人三緘其口，笑言總之大家都無需要到廚房洗碗，最重要是大家食得開心。提到之前Bosco曾揚言要辦全奶宴慶功，他表示要取消：「因為我簽咗另一個廣告，所以全奶宴要取消，但依家可以搞全啤（酒）嘢。」問到兩人有否買禮物獎勵得獎？兩人異口同聲謂沒有，因為獲獎已經是對自己最大的獎勵。

受惠於《新聞2》，兩人工作接踵而來，Bosco坦言明天要到內地工作，加上之前忙拍劇，故是時候要還商演及廣告債，阿佘亦預計農曆新年過後才有時間休息，並有計劃陪媽媽去旅行。而Bosco透露今個月是媽媽的生日月，為對方辦完大壽再計劃一起去旅行，談到黃媽媽的年紀，他醒目說：「18歲！生日禮物就係成人身份證，哈哈！其實媽媽之前話想要部新手機，我另外都買啲想首飾畀佢。（買金器？）金器太貴，老人鍾意玉器，或者買舊豬肉，都係肉器。」

東網網站 : https://on.cc/東網Facebook專頁 : https://www.facebook.com/onccnews/