政Whats噏：斥司法人員冇現代化　議員：點解仲要笠頂假髮

有議員質疑司法人員點解仲要戴假髮。

立法會司法及法律事務委員會今（7日）日開討論司法人員薪酬調整增2.5%嘅事宜，大部分議員都同意司法人員要加薪，但就有議員出來話立法會同意佢哋加薪，加完之後都要交功課㗎，仲話司法人員衣着打扮要「現代化」添！唔知佢講緊乜呢？

原來喺何君堯話，依家香港嘅商業案件排期要排到後年10月，不單只削弱香港嘅競爭力，仲好正氣咁話「拖延公義就係剝奪公義」。佢又話，依家司法人員青黃不接，所以加完薪，就要加快案件處理速度、要吸引多啲人才。之不過，委員會主席廖長江走出嚟話，就算法官加薪都未必夠出面嘅私人律師搵咁多錢，所以好多人都係靠使命感做嘢。