Oh Babe, give me a KISS! 2

接吻心理學II 💋💋💋

上一個post 介紹完接吻嘅起源，今次就同大家講吓錫錫有乜作用啦！

接吻因乜解究要合埋眼👀

你有無發現通常自己同另一伴錫錫既時候都會不知不覺咁合埋咗眼？有研究發現，大約80%嘅男女喺接吻嘅時候都係合埋眼㗎！呢個咁普遍嘅現象又係點解呢？🤔

一直以嚟，學者們都認為接吻合埋眼係源於一個視角上嘅原因。因為當情侶錫錫嘅時候，兩個人塊面會靠得非常近，所以眼睛對焦唔到，就唯有合埋眼舒服啲。😽

不過，今時今日科學家有一個更加準確嘅解釋啦！科學家認為當我哋接吻嘅時候，大腦無辦法好好地咁同時整合視覺以及來自接吻嘅觸覺體驗，合埋眼就係唯一嘅選擇啦。亦有學者認為，接吻合埋眼喺因為我哋想更加享受親吻帶嚟嘅愉悅觸感。以上嘅理論，唔知你同唔同意呢？👍🏻👎🏻

接吻可以減壓👩‍❤️‍💋‍👨

當你做嘢做到好大壓力嘅時候，伴侶嘅一個錫錫會唔會令你成個人鬆咗一鬆，之後充滿力量呢？💪🏻🔥

牛津大學就進行咗一項為期6個星期嘅實驗，要求一班情侶係嚟近6個星期入面刻意增加接吻嘅次數。⬆️ 結果發現，呢班刻意增加接吻次數嘅情侶，佢哋嘅整體壓力指數同抑鬱水平都相較無增加接吻次數嘅情侶低。🤩 於是學者就提出，錫錫以及其他可以提升人與人之間親密感嘅行為，原來係可以降低血液中所含嘅壓力皮質醇激素水平。⬇️

換句話嚟講，錫錫真係可以減壓架！睇完呢個post ，係咪好有衝動即刻攬住另一伴錫一啖呢？💗

          View this post on Instagram                      

A post shared by 吾係心理學家 Hi Psychologist! (@hkhipsychologist)