等古天樂開聲　鄧一君隨時復出

童星出身的「香蕉仔」鄧一君，自淡出娛圈後便轉投保險業發展，最近更為愛吃的11歲女兒鄧頌情，決心創業開餐廳！日前一君便教授「香港開電視」節目《娛樂頭條E-news Headline》主持馬梓軒如何炮製愛心香蕉船為父親慶祝！愛錫女兒的一君，笑言很享受慶祝父親節：「我個女通常會親手畫一張卡送畀我，每年佢都畫好多我鍾意嘅食物喺裏面，唔知今年會唔會有格仔餅或者雞蛋仔呢？」一君與古天樂昔日多次結片緣而成好兄弟，已是幸福爸爸的一君，有沒有催古仔早日成家立室？一君說：「佢自己決定啦！成家立室與否，唔係每一個人嘅必經階段，有啲人鍾意一個人自由啲，冇咩所謂！」

問到淡出娛圈後會否有戲癮？他坦言現在沒有：「都做咗咁多年，再拍戲我又唔係話太大興趣，不過如果有啲朋友或者古仔開到聲叫我拍，我絕對冇問題！」不過一君表示現在始終家庭最重要，會把家人放在首位。

東網網站 : https://on.cc/

東網Facebook專頁 : https://www.facebook.com/onccnews/