【星期日睇乜好？】《哥斯拉大戰金剛》：世界和平，但香港玩完了

《哥斯拉大戰金剛》揀正香港開戰，不用劇透都知香港玩完了。電影看來很維穩，要不是美資公司在香港有分部，香港就不會如此慘烈。

沒跟開之前那幾部巨獸獨立電影，其實不要緊，劇情根本不太重要，最緊要刺激，打得好看，文戲不要太多，不要太亂來，觀眾就會收貨。以下有嚴重劇透，有潔癖的請迴避。

先講兩位主角，世仇，見你前面憎你後面，總之見親就要打。「哥斯拉」個名，雖然先過「金剛」，但其實金剛才是主角。金剛，被困於「人造」骷髏島，掛念家人，不想被人類困住，但其實人類可以困牠一世，很合乎人類邏輯。

哥斯拉，卻是這部電影的劇情來源。失蹤多年，無故襲擊人類，身為人類的好朋友出手，當然事有蹺蹊啦。原來是美國邪惡公司製造「機械哥斯拉」，利用「銀魂」小栗旬用念力控制機械版，果然是萬事屋。一屋不能藏兩個「斯拉」，元配「哥師奶」要先下手為強。

劇情又去返金剛，美帝邪惡公司想用「假·斯拉」打走「真·斯拉」，但一個地球只能有一隻巨獸，就搵個科學家說服某人再說服金剛返地底深處的屋企，來一場地心探險記。

至於哥斯拉，唔抵得金剛咁多戲份做主角，發誓追打到天腳底。碰巧金剛出發去緊天腳底，經過塔斯曼尼亞對出海面，未摘車厘子先抓活魚刺身，突然受到哥斯拉攻擊。由於套戲都未夠一小時，放心第一場哥斯拉大戰金剛，一定係打和啦，Super！巨獸決鬥，人類只能睇戲？當然不是啦，此時人類說服金剛詐死，金剛被打到半死當然應承，結果哥斯拉相信而離開。

金剛之身不壞但累透了，又繼續去地心探險，飛去南極的地心入口。人類再次成功呃到金剛，結果一齊地心探險記，搞亂地心世界，驚險一陣子，金剛突然感覺到一陣奪命死光炮⋯⋯

劇情去返哥斯拉，由於美資公司在香港有分部，感覺到「機械哥斯拉」在香港地底出沒，因此游了幾星期水，快過在蘇伊士運河塞船的那些船，早一步到了香港。一來香港就入鄉隨俗噴電，繼《拆彈專家2》被劉德華炸爆後，青馬大橋再一次折斷，然後來到了中上環一帶，射穿地底，但射得太勁，找不到「機械哥斯拉」，卻射中剛好去到香港地底的金剛。

終極大戰來了。金剛怒目，就上地面與哥斯拉決一死戰，但一切只是為打而打，但打還打，好應該上返行人路囉。不聽勸告下，結果港島區一帶的高樓大廈全部糟殃，例如金剛最愛帝國大廈，今次來到香港就攀上中環廣場；而合和中心的頂層，曾經做過旋轉餐廳，就被金剛當成鐵餅擲向哥斯拉，但請留意，全程中銀大廈完好無缺，匯豐銀行同樣沒事，金剛更在旁邊休息，打交都要睇政治形勢呀！

最後劇情發展就尚且不提，總之世界和平，各自返歸後，但香港就如condom一樣，被打完後沒人理會，正式宣布玩完了。

撰文：「開片有Nic」FB專頁