相識30年因工作問題冇FD做 李麗蕊與梁思浩斷聯絡冇所謂

同是電台DJ出身的李麗蕊和李志剛為網上直播騷《星級靚聲演唱廳》獻唱，李志剛表示好開心阿蕊找他合作，二人在電台相識多年，但一直未有合作做節目。李志剛視阿蕊為偶像，又讚對方是性情中人，把他當作「細佬」。李志剛透露以前經常到阿蕊屋企邊玩邊飲酒，阿蕊坦言：「雖然而家大家少聯絡，但感情依然好好。」阿蕊表示一直不知李志剛懂得唱歌，直至一次活動無意聽到他的歌聲，才發現他的歌喉不俗，今次有機會便找他合作。早前阿蕊與相識30年的梁思浩因工作態度及價值觀出現分歧而各行各路，二人曾合作主持網台節目《大家真風騷》，後來節目更換了主持，由苑瓊丹、李日朗及李思蓓代替李麗蕊及陳彥行。問到阿蕊與思浩是否仍是朋友？阿蕊直言雙方斷絕合作後，已經沒有聯絡，得知對方換了拍檔，會祝福他。阿蕊續道：「我覺得冇所謂，唔夾咪唔做，我立場仲當佢係朋友。當時係有啲唔開心，但工作合則來不合則散，我已經放低咗，唔會再介意。」