Cammi重手咗塊面愈P愈窄 舊愛陳冠希成面皺紋

陳冠希的26歲陳年前度Cammi（現名：謝熙婷，前名：謝芷蕙）早前在社交網站上高調宣傳外圍網上賭場，分享有關賭場的各種玩法以及自己的經驗，2月尾時有消息指她涉嫌「推廣或便利收受賭注」及「向收受賭注者投注」被警方拘捕，不過，Cammi未有受消息影響，繼續在IG分享歎紅酒鋸牛扒的相片，用行動表示自己乜事都冇。

Cammi承認個樣曾經少執過，加埋高超P圖，由昔日迷你NEL NEL變成好似Display公仔，眼大鼻高嘴又細，有胸有腰仲要腿又長，相信連佢父母都認唔到自己個女。尋日（9日）Cammi上載咗段咪嘴唱歌跳舞片，即係抖音嗰類片，發現Cammi塊面愈P愈窄，一個窄面囡囡跳晒舞咁，識笑都幾好笑。然後碌碌吓IG見到佢個舊愛陳冠希，有朋友約咗佢食早餐，剛同囡囡慶祝5歲生日嘅陳生笑到額頭現晒火車軌，眼尾紋又深又多，41歲嚟講算係Keep得差，呀，唔知佢見到Cammi而家個樣認唔認到佢呢?

更多第5波疫情資訊，請到以下專頁瀏覽（按此）

立即下載｜全新《星島頭條》APP：https://bit.ly/3yLrgYZ