江若琳囝囝26個月大　收兒童尿兜做禮物

江若琳（Elanne）的寶貝仔Owen雖然6月7日已2歲生日，但日前Elanne的「生煎包王」老公Oscar照樣送上「大禮」慶祝囝囝26個月大，而禮物相當特別，見Owen面上的可愛笑容，就知他很滿意這份厚禮。

Oscar在社交平台分享Owen在廁所，正全神貫注研究成人坐廁邊的兒童尿兜，期間在好奇心驅使下，更用手指仔篤尿兜，似乎玩得不亦樂乎。Oscar留言：「Owen仔26個月大喇，早上同你飲杯babyccino慶祝，晚上同你拆禮物，你個禮物係一個尿兜，估唔到你收到咁開心。爸爸媽媽祝你快快樂樂出入平安！搞笑仔，I love you﹗」雖然畫面搞笑又溫馨，不過Elanne和Oscar還是要多多提醒囝囝要注意衞生問題，始終廁所充滿細菌，如廁後記得要洗手。

而Elanne多得有老公幫忙照顧愛子，令她可全力投入8月24日演唱會的綵排，她在社交網上載身處排舞室的自拍照，穿上露腰裝的她高舉勝利手勢，又跟圑隊影大合照，對演唱會充滿期待又信心十足。

東網網站 : https://on.cc/東網Facebook專頁 : https://www.facebook.com/onccnews/