伊美利安奴馬天尼斯：我唔在乎龍門唔可以干擾射手12碼球員呢條新例，因為我哋已經係世界冠軍，佢哋太遲改例

國際足球協會理事會(IFAB)就係3月公布2023/24球季最新足球條例，當中有個新例就係龍門唔可以干擾射手12碼球員，而呢個新例被人覺得針對阿根廷🇦🇷伊美利安奴馬天尼斯係世界盃嘅行為而設立😶

馬天尼斯最近接受訪問表示「我鍾意佢哋咁樣做，因為佢哋成日都會搵啲藉口，但我會叫屋企人同身邊人講我一啲都唔在乎，因為我哋已經係世界冠軍了，佢哋太遲改例啦🤣。」

呢位阿根廷🇦🇷龍門又話「前鋒射12碼就咩都做得，但係我哋就連嘢都唔比講，我覺得呢個做法就唔啱啦，但每個人……算啦我唔在乎，因為我已經做出應該要作出嘅撲救😎。」