容祖兒回顧精彩一年　自滿：你真係做得好好

阿Sa新一年要踢走大懶蟲，相反容祖兒（Joey）就容許自己懶一點。她剪輯了一段2025年的精彩回顧，並留言：「做咗26年啦，認真唔簡單呀容祖兒。」不過Joey都好明白，家家有本難唸的經，「唔簡單」的不只她一個，她寫道：「每個人都有自己嘅舞台，有自己嘅難關要過，可能係一份工、一個家、一個你想守住嘅承諾……所以今晚呢個Post，係對自己講，亦係對你講：『你真係做得好好，辛苦晒。畀個叻自己啦！』唔使時刻都咁硬淨嘅，攰就攤一攤，攤完，又會起身繼續行，因為我哋都知道，前面有值得我哋去嘅地方。」阿Sa就留言：「愛你！下年努力繼續生活。」

東網網站 : https://on.cc/東網Facebook專頁 : https://www.facebook.com/onccnews/